Peukateun Urueng Aceh

Hiem

 

Disusun Kembali Oleh : T.A. Sakti

1. Guda plang rhot di langet!. Peue?.

2. Dijak meuranjo-ranjo,

Jime lham saboh sapo!. Peue?.

3. Jidong meuranjo-ranjo,

Tilam duek saboh sapo!. Peue?.

4. Bak sibak on sion,

Meuribee thon han mala-mala!. Peue?.

5. ‘et noe ‘et nan,

Polem Suman meuiseuk-iseuk!. Peue?.

6. Bak disanan on disanan,

Bak ujong bak geubalek nan!. Peue?.

7. Apui hu bak ranteng!. Peue?.

8. Ek gle tron gle,

Meuteumeung gajah meukude!. Peue?.

9. Leumo na tujoh blaih boh,

Saboh2 weue padum boh tapeulob?.

10.Boh ubebe alee,

On ubebe ji-eei!. Peue?.

11. Manok itam du,

Manok puteh po!. Peue?.

12.On ubebe eumpieng,

Boh kiwieng-kiwieng!. Peue?.

13. On mulieng meukru, on labu meu-ulat,

Rot barat ureueng beuet nah’u,

Rot timu ureueng seumurat!. Peue?.

( Jeunaweueb jih : 1. Situek, 2. Itek, 3. Tameh, 4. Aweuek, 5. Batee neupeh, 6. Boh jantong, 7. Campli masak, 8. Boh panah, 9. Suboh 2, Luho 4. ‘Asha 4, Meughreb 3, ‘Isya 4.     10. Boh putek- Bak putek, 11.Gapeueh, 12. Bak me, 13. Ureueng teumuleh,)